المووووت ما يرحم

من طرف **ملك الاحزان** 3/12/2008, 12:20 pm

أمس مصدوم وأبكي وأشكي وأعاني من جرحي وحياتي
واليوم ألعب وأمزح وفرحان وأضحك والبسمه ماتفارق شفاتي

أهتم يوم وأطنش أيام
أتكلم شهر وأسمع أعوام

أضحك مع ناس وأبكي على ناس
أشوفهم وفجأه افقدهم بدون إحساس

أفارقهم ولا أقوى
والعيشه بموتهم بلوى

‏

لأن الموت مايرحم
بس القلوب ماتهتم

أقابل ناس تفرحني
أساعدها وتساعدني
أعاتبها وتعاتبني
وأسايرها وتسايرني

أنا هذي حياتي مع الدنيا

صدف بيوم وعرفتك
وسمعتيني وسمعتك

ضحكنا مع بعضنا كثير
مثل براءة طفل صغير

‏بكيت شوي شكيت هموم
وعدتك هالبكى مايدوم

أعترفت بقلب لك ارتاح
قلب مات بطعن جراح

ناديتك مسكت يدك‎
قربتك وبست خدك
وهمست بأذنك أنا أحبك

شوقي لك جنني
ومن عالأرض طيرني

‏

.. وفجأه ..

حصل يوم وفقدتيني
سألتي عني تدوريني
تلفتي مالقيتيني
رجعتي البيت طلبتيني

ورن جوالي محد يسمع
الكل منشغل يدعي
ويقول يارب لها أشفع
ترد هالمره عليك أختي
تقولك خلاص ماينفع
تركنا ورحل لبعيد
والكفن توه حضنه جديد

سامحيه وبالخير اذكريه
اطلبي له الجنة وفرحيه

ولو أنه غلطت بيوم عليك أعذريه ..

ولو مره قسا عليك
أو قصر معك لا تلوميه..

تذكري دايم أنه أحتاجك ومالقاك ..
تذكري أنه أنتي اللي قسيتي عليه بس عطاك..
‏

" هو"خلااااااااااااص مات

تقفل أختي جوالي
وتحضنه وتبكي وهي ماتدري عن حالي ..

مابقى غير ذكرياتي
وصوري وثيابي
وعطري وأوراقي ..!

وإلى متى بأبقى في بال كل غالي

شهر

شهرين ..

سنه..

سنتين..

وإلا طول العمر ..

الناس بتبكي يومين وبتعيش حياتها

‏

وأنتي ودعيني يمكن أرحل ..

‏

سامحي قلب يحبك..

ودعي قلب خذاه الموت..

وأختي ..

وأبوي ..

بينسوني وإلا بيذكروني بعد موتي..

وأخواني بيفقدوني وإلا بيخبون عنهم موتي ..

حياتي انتهت خلااااااص

وأنا ماطلبت من اللي غلطت عليهم يسامحوني

والوقت فااااااات وأنا ماكتبت وصاتي ..

دخلوني على أهلي جسد بدون روح ..

بدون إحساس ..

ثابت ماأتحرك ..

قربت أختي مني ..

رفعتني وبكت تودعني

‏شالني أبوي لسجني

دفنوني قبل لاأقولك

يا"فلانه"لاتنسيني!

وأذكري أيامي معك
تكفين لا تنسيني.!

أذكري القلب اللي حبك
‏وأذكري همسة أحبك

مايطلبك قلبي إلا دعوه
وأنك تدعي له بالرحمه

‏مسكني أبوي وودعني
نزلت دمعته تطهرني

شاف وجهي لآخر مره
حضني بقلب به حسره

يقول مسكين ماتهنى
بس الموت مايرحم

دخلني لقبري وشاف التراب يغطيني ..

‏سمعت خطاه وهو يمشي ..
بس الموت مايرحم ..

رجع لخواتي يقول
خلااااااص
ابني راح عن عيني ..

أنا ماقلت ولاتخيلت
بس انتي توقعتي
موتي ..
‏

توقعتي أنه يصير
وكل اللي قلته يتحقق ..

بأي لحظه وبأي وقت
توقعتي إني أتأخر
وتمر أيام ما أسأل
ولا همسي يوصل لك
وحتى آآآهتي تذبل
‏وعن هالدنيا أنا أرحل
أخباري تنقطع عنك ..
نبض قلبي خلاص يوقف..
وأحاسيسي تتباعد..‏
وشعوري ينساني ..
ويبكون ناسي على فرقاي ..
وتختفي ضحكتي من هالكون ..
ويفقدني من حبني بجنون ..
ويسامحني من غلط قلبي عليه ..
وقلبك أماااااااانه مني مايزعل

لأن المووووت مايرحم..

‏

بس قبل ماهذا يتحقق في يوم
كلمه وحده بخاطري بأقولها لك دوم..

( أحبك...أحبك...أحبك )

من طرف **المهندس مصطفى** 5/12/2008, 4:50 pm

مشكووور على هذه الخاطرة التي فعلا ابكتني واشجتني

تقبل مروري واحترامي ....

نائب المدير : المنسـ1990ـي

المووووت ما يرحم

المووووت ما يرحم

رد: المووووت ما يرحم