وشلون ماشيل همومك وانت للروح روح

من طرف zeezoo 10/11/2008, 8:22 pm

خذ قلبي لجروحك ولا يجي قلبك جروح
يسلم قلبك اللي بكـل مـا فينـي فديتـه

وشلون ما شيل همومك وانت للروح روح
لو ينشرى فرحك بعمري لجلـك شريتـه

لو ينشغل بالك احس كل مافينـي ينـوح
تصغر الدنيا بعيوني وكل فرحي نسيتـه

اشكي ما بك خـل قلبـك لقلبـي يبـوح
ذبحني سطر من الالـم بعيونـك قريتـه

عطني احزانك ببني لها بصدري صروح
خلها من اسى الماضي اللي بحبي طويته

اضحك حبيبي بسمتك لي غايه وطمـوح
كن نور هالدنيا من صدى ضحكك خذيته

تبسم للامل خل عطـره بجـوك يفـوح
ترى بعيوني غرامك امل عمري بديتـه

انت بناظري قمه ويبقى غيـرك سفـوح
لا عدمت نظر عيني دامك بطيفك ضويته

خذ قلبي خذ كل ما فيني ولا تجيك جروح
انا ادري كثر ما عطيتك حقك ما وفيتـه

من طرف **المهندس مصطفى** 11/11/2008, 9:55 pm

والله يا روحي انت فوووق الفزييييييع ..... بجنن ..... تقبل مروري.....

من طرف zeezoo 12/11/2008, 10:09 am

منسي مشكور قلبي على المرور

من طرف سفيرة الغرام 12/11/2008, 10:11 pm

جوااااااااااااااااااااااااااااااااهر والله الكلام الذهب ما بيطلع الا من الناس الروعه سلمت ودمت لنا يسلموووووووووووووووو زيزووووووووو حلوه كتيررررررررد